Apothicaires

paier aud. de Lestang, ou au porteur, dhuy en trois ans prochains. A ce faire estoit présent led. apprenty aagé de quatorze ans, ou environ, lequel a eu et a le présent apprentissage pour bien agréable, a promis et promect servir sond, maistre aud. mestier et en touttes choses licites et honnestes qui luy seront commandées, faire le proffict de sond, maistre et son domaige éviter, l'advertir du contraire sitost qu'il viendra à sa congnoissance, sans soy desfuir ny aller ailleurs servir durant led. temps, et en cas de desfuite led. sieur Errard le promect chercher etc. et le ramener; et sy a en outre led. sieur Errard certiffié et certiffie led. Robert de La Rivière de toute loyaulté et prudhommie. Car ainsy etc., promettant etc., obligeant chacun en droit soy etc. led. apprenty son corps, renonçant etc. Faict et passé à Paris ès estudes des notaires soubzsignés l'an mil six cens trente le premier jour de juillet après midy et ont signé

Delestang Erard

Dauvergne Robert Delarivière

Tronson

Ledict Bégnigne (sic) de Lestang preneur desnommé au brevet d'apprentissage cy-devant escript confesse avoir eu et receu dud. sieur m^eNicolas Erard bailleur y desnommé par les mains de lad. dame Michel (sic) Du Val sa femme, à ce présente et acceptante, les soixante et quinze livres t. qui estoient deubz aud. de Lestang de reste et parfaict payement des cent cinquante livres t. contenues et portez aud. brevet d'apprentissaige cy devant escript et pour les causes y contenues de laquelle dite somme de soixante et quinze livres t. baillée, payée, comptée, nombrée, dellivrée et actuellement dellaissée, a esté par lad. dame Michel Du Val aud. sieur de Lestang manuellement comptant, et présens lesd, nottaires soubzsignez, en escus d'or au soleil, pistolles d'or d'Espaigne et monnoye, le tout bon et ayant à présent cours, des poix et pris et ordonnances et déclarations du Roy. Icelluy de Lestang s'en est